大本瀛日式放題

營業中

休息中

旺角有咩餐廳越開越多？放題！一定係放題！由初既吉壽，到之後既大xx,xx喜，大家已經揀到唔識揀，唯有以價錢或朋友口碑作決定！今日同姨姨慶祝生日，我都係聽朋友講先揀左呢間大本瀛！食放題，一定係喪食刺身，因為要食到回本！如果間餐廳刺身好垃圾，你都唔會想黎淨食熟食。好彩我朋友無介紹錯，下面呢盤刺身，又睇得又食得，擺放得有層次感，可見師傅唔係hea 底！食放題，最怕係叫10件黎2件！呢度又唔覺有漏單或者比少左野我！甜蝦大隻味道清甜三文魚刺身叫10件黎12件～大片又厚身!放入口既時候已經感受到啖啖肉，刺身尚算新鮮，比起一般放題餐廳確實略勝一籌。唯美中不足既係芥末唔辣，鐘意食辣既朋友少左一份味覺既沖擊！之後既冬蔭公亦令人喜出望外！估唔到一啲都唔馬虎，用料有蝦，蟹柳，元貝，湯底味道辣辣地又惹味，雖然唔係正宗泰國口味但確實令人食得過癮！榴槤波波！鍾意食榴槤既我無諗過可以響放題餐廳食到榴槤！波波雖然有啲油但炸得好脆，中間既榴槤醬滑身而香濃，食完再encore！牛柳粒串燒—燒得恰到好處，肉汁能夠成功鎖住，惹味香口炒牛舌！呢個好夠鑊氣勁好食！