極尚大瀛喜日本料理 (已結業)

今日陪一位文青朋友去香港中央圖書館打書釘，真係好慚愧我都係第一次朝聖，估唔到中央圖書館環境非常舒適，書籍又齊全，好快就消磨左一個下午。朋友表示非常肚餓而且好想食日式放題。黎到銅鑼灣日式放題即刻諗起極尚大瀛喜。港鐵銅鑼灣站一分鐘就到非常方便就腳。餐廳裝修以木色和風為主配以柔和燈光坐位多為卡位環境舒適空間感強。自助區域有飲品吧甜品櫃前菜熟食吧等選擇眾多款式多樣。燒紐西蘭香草羊鞍肉質軟滑香草同羊鞍好夾完全無羶味一啖咬落去仲有肉汁流出好有水準。香蔥鵝肝帶子帶子夠新鮮鵝肝雖然只有一點點但味道香濃更加帶出帶子既鮮甜。軍艦系列有驚喜紫菜夠乾身夠脆面料毫不吝嗇份量十足鋪得滿滿的。最欣賞芥末魷魚芥末味辣而不嗆。另外香蔥拖羅蓉軍盤都新鮮味美非常讚刺身相當新鮮俄羅斯甜蝦肥美鮮甜珍寶大赤蝦爽甜彈牙挪威三文魚油脂分佈平均又鮮又滑基本上刺身夠新鮮就無得輸。炸物燒物水準都唔錯海苔多春魚炸得夠脆又唔乾芝麻雞翼甜甜地好香芝麻味。當中最特別一定係榴槤炸彈外層炸得金黃鬆脆內裡係滿滿既鮮甜榴槤肉非常惹味。瑤柱鮮蝦肉粥非常足料每一啖粥都充滿瑤柱既香同鮮蝦既甜而且食得出係用時間慢煲既粥唔係一般將白米攪碎快煮既口感。