麗香園冰室 (興華廣場) (已結業)

今日收工出街食飯，約左一個好耐無見既大學同學畢業後大家都忙緊番工和番學，約食飯變得更加困難，今晚難得有時間，就約埋食晚餐聚舊。柴灣有間茶餐廳，經常都會去食tea，第一次食晚餐感覺都幾好我叫左扒餐餐湯是羅宋湯，蔬菜份量非常多，入口香甜！餐飲加錢叫左椰汁紅豆冰，懷舊飲品特別有味道，椰香清甜，奶味唔會太膩，紅豆豆豆綿密軟糯！主菜叫左海陸空配意粉雜扒餐夠風味！叫左黑椒汁！魚柳香口完全無雪味，肉扒入口香嫩肉汁豐富，加上醬汁夠哂惹味！意粉用茄膏炒香，有咬口！