✔️紅葉茶屋二人前$488
前菜：
▪️紅葉四點盛
劃分四格的木盒上分別有四個唔同顏色、圖案的小碟盛着刺身、芥末八爪魚、炸蝦、枝豆，作為前菜份量真係唔少，最鍾意嘅刺身夠新鮮夠大塊。
▪️小龍蝦沙律
整球混有明太子的龍蝦肉放在沙律菜上，淋上酸甜醬汁，撈勻進食，清爽開胃。
主食：
▪️豪華原條鰻魚+$48、清湯烏冬+$10
定食包括菠菜、沙葛粒兩款前菜和麵豉湯、當然唔少得加錢升級的原條鰻魚，size接近有我前臂咁長咁大！肉質肥美，上面均勻塗滿甜中帶鹹嘅照燒醬汁。烏冬軟糯彈牙，有口感。
▪️一人前照燒雞肉
同樣係定食套餐，雞肉保持豐盈肉汁，照燒醬味與雞肉鮮味匹配，係經典的味道。
甜品：
▪️黑蜜抹茶蕨餅
蕨餅Q彈，帶有淡淡的蕨餅清香，表面灑滿醇香的抹茶粉。蘸上黑糖蜜，剛好平衡抹茶的甘苦。
▪️抹茶雲石紋芝士蛋糕+$10
綠色雲石紋提升蛋糕賣相，蛋糕本身奶味香且突出，旁邊配有口感極佳嘅乾果粒和酸味較出的紅莓，增添口感之餘又平衡蛋糕滯膩感。
飲品：
▪️雪糕牛奶抹茶
深邃的抹茶茶香帶有牛奶的順滑，加上一整球雲呢拿雪球，好似一杯可以飲嘅甜品。
▪️奇異果雜果茶
果茶入面有多片奇異果和其他細碎果粒，紅茶裏混合着天然果香。果茶本身沒有加糖，餐廳會另外奉上一杯糖漿，食客自行加入。
