i kitchen (已結業)

係觀塘返工，亦都食過好多唔同既工廠餐廳。今晚呢間值得一寫環境暗暗的，以藍色為主調，枱與枱之間有足夠空間，裝修算中規中矩服務算唔錯，舖頭細細但有5，6個侍應，一舉手就有反應。不過我覺得有點annoying, 因為碟餸未食完，每個行過既侍應都會過黎望一望，問一問，同一碟餸，我地被人問左6次：食完未，幫你收左佢餐牌種類選擇算多，除雞肉外，豬牛羊都有。價錢算中上既西餐廳（如果比較其他同類型樓上餐廳）。份量幾大份，叫兩份share食既話足夠有餘野菌湯好香，而且磨碎野菌好多，整碗湯好好味。配上長條餅乾，不過淋左...無好過有有骨黑豚豬鞍一上枱，我同朋友都“嘩”出黎，塊豬扒成隻男人手咁大，成寸厚。而且碟上配料整得好靚。豬扒煎得外面有點脆，肉質幾軟，配埋一條痴住既肥膏口感好好，不過條肥膏都有成寸闊，所以唔會食得哂朱古力慕絲上碟靚，size細細舊，1寸大細左右。味道偏淡，朱古力味唔濃，個人來說唔夠吸引咖啡用細杯，份量剛好，不過咖啡味唔濃，味道普通總括黎講，價錢合理，份量同味道，環境都唔錯，傾計一流