泰豪燒 (已結業)

媽咪呢幾日腸胃麻麻地，放工想同佢去食d清淡少少既野食，上次食過泰豪燒既海鮮粥，覺得唔錯，今次再去食。我地叫左二人套餐，加左錢轉奄仔蟹鮑魚粥，一煲同樣大大份，2個人食每人都有3碗左右，鮑魚同蟹都係鮮味，而且秋天既蟹特別肥美，仲有蟹膏，所以唔怕會太寡。至於串燒，我地都叫多左蔬菜，今次叫左粟米，燒完之後食落更加甜，而且大大條。日本蕃薯一啖一粒，好軟好糯。菠蘿都唔錯，唔會燒得太乾。司華力腸都有驚喜，脆皮之餘，而且食落啖啖肉。買單2個人大約400左右，價錢唔算貴，而且味道唔錯，經過都會再試。