影片
更多
2018-06-26
152 瀏覽
星期六終於放假，雖然要冒住黃雨外出，但實在唔可以畀天氣浪費一日好好嘅假期，所以堅持出街出去輕鬆一下。今日嘅行程主要喺旺角。開始行程之前，當然要醫肚。平時返工身不由己，有時都未必控制到食啲乜嘢，green Monday可能會比較困難；所以趁星期六嚟一個green Saturday ，去咗旺角東站附近嘅素食一家，享用素菜。素食都可以好豐富，除咗有主菜，亦都有甜品，也有令人驚喜嘅飲品，講緊嘅係呢罐汽水。第一次接觸到有機可樂 (HKD20)， 雖然售價比起普通可樂貴咗一啲，但係可以gluten free ，亦不含咖啡因，有唔同嘅身體需要照顧，或者只係想飲得健康啲，都可以考慮一下。甜度同味道和一般既可樂分別唔大，唯一缺點唔係好夠氣。主菜係醬皇魚翅炒飯，冇經歷過魚翅撈飯嘅揮霍，只能夠透過素翅滿足一下虛榮感。英文版有寫明係veggie fin，所以千祈唔需要有不必要嘅幻想，以為 HKD98就可食到真魚翅。炒飯加入xo醬，微微香辣嘅味道食得更加醒神。各種顏色嘅雜菜粒增加了營養，豐富了顏色，食指大動。甜品是薑茶菊花(HKD38)，師傅用咗非常巧奪天工嘅刀功，將豆腐花切割成菊花形狀；一朵精巧嘅菊花放在辣度
素食都可以好豐富，除咗有主菜，亦都有甜品，也有令人驚喜嘅飲品，講緊嘅係呢罐汽水。第一次接觸到有機可樂 (HKD20)， 雖然售價比起普通可樂貴咗一啲，但係可以gluten free ，亦不含咖啡因，有唔同嘅身體需要照顧，或者只係想飲得健康啲，都可以考慮一下。甜度同味道和一般既可樂分別唔大，唯一缺點唔係好夠氣。
主菜係醬皇魚翅炒飯，冇經歷過魚翅撈飯嘅揮霍，只能夠透過素翅滿足一下虛榮感。英文版有寫明係veggie fin，所以千祈唔需要有不必要嘅幻想，以為 HKD98就可食到真魚翅。炒飯加入xo醬，微微香辣嘅味道食得更加醒神。各種顏色嘅雜菜粒增加了營養，豐富了顏色，食指大動。
甜品是薑茶菊花(HKD38)，師傅用咗非常巧奪天工嘅刀功，將豆腐花切割成菊花形狀；一朵精巧嘅菊花放在辣度十足嘅薑茶之中，再加上已經調到恰到好處嘅甜味，無需再添加任何額外調味，整個薑花薑茶已經是絕配。雖然現在是夏天，但出入冷氣地方頻繁，很易被冷氣攝親；適時飲杯薑茶驅寒，對身體也有莫大好處。
張貼
