辛手村 (已結業)

最近發現到旺角黑布街有間小店外型似cafe,其實內𥚃餐廳提供自家創干鍋😍非常創新改變對傳統干鍋嘅刻板印象，但又保留到四川菜嘅特色，例如麻辣黑松露、日式壽喜燒味干鍋等創新口味…另外，餐廳去到晚上9點半，店員通知我哋將會調校燈光，改變成酒吧模式🤩更有氣氛。我哋今次揀咗沙茶麻辣干鍋，而辣度都可以自選，怕辣可以叫BB辣，鍋底已包括土豆，蓮藕同娃娃菜，而配菜揀左豬頸肉、雞軟骨、午餐肉、濃汁牛丸,配上大量嘅白芝麻同香蔥，夠乾身而且好入味，食到停唔到口。串燒方面同樣水準不錯！✦ 日本直送炸迷你紫薯一口紫薯，外脆內軟，甜甜地超好食。✦ 辛手雞棒肉串自家製以雞肉同雞軟骨整成，咬到粒粒軟骨，口感好豐富。✦ Juicy台灣腸 皮脆肉香，咬落去肉汁非常豐富。✦ 川燒脆雞皮雞皮燒得非常香口，脆卜卜。另外飲品叫咗一杯餐廳新產品手打檸檬茶🍋同抹茶🍵，手打檸檬茶面層已經有大量檸檬粒，口感層次豐富，味道酸酸微微好醒胃👍🏻而抹茶口感較軟滑，二款飲品甜度適中。