海港燒鵝海鮮酒家 (已結業)

晨早起身諗住一家人開開心心去飲茶，點知換黎一肚氣。好同意之前有openrice食家所講，收銀態度真係極差。埋單個陣，我好似前世殺咗佢老豆咁，個阿嬸黑口黑面，多謝都冇句之餘仲要掟張單係枱面。佢一次過俾4-5張單我，最基本都唔講聲要喺邊張簽名。佢咁嘅態度，間酒樓真係多得佢唔少，係咁幫手倒米。講番食物質素又唔係特別好，非常普通，有少少偏貴。我地一家人飲茶平均每人約70幾蚊。不過下次如果俾一樣錢我就會去第二間，至少唔使受氣。