影片
更多
2018-05-05
298 瀏覽
依篇食評，比到一個人睇就比一個人睇，因為凡有機會光顧依間店舖的人，都有被「打劫」的風險。野食就唔評論了，因為依間野未改名之前已經食開，水準一向可以。但自從改名重開，雖然風味接近，但整體水準絕對係江河日下，住開馬鞍山一定知我講咩，因為間野仲叫濠園果陣都幾乎都十年前有多。重點係埋單比錢，排我前面有一位女士，我係排第二。女士離開後我就上前埋單，埋單價錢係$121。我比一張$100，兩張摺埋左的$20，加一個$1。我將紙幣連同硬幣疊係收據牌上面，然後放在檯面(亦是收銀員左方)，收銀員(該名婦人應該也是老闆娘) 一手將錢掃低然後用好快速的手法將錢分開，再將$100同$1放番上檯面(但放回的位置不是左方，而是右方)。我絕對肯定係比足錢，因為我唔鍾意找錢所以一定計足數，anyway我見該婦人舉止有異，於是我開口一問：收齊喇可？婦人道：仲差廿蚊。我：吓廿蚊？果度兩張十蚊黎，你有冇數？(而事實佢係將錢一手掃低之後就將$100同$1拎番上檯面，此舉似乎係想製造我仲差$20的情況)婦人道：果十蚊係前面個哥哥比。你張單係度(此時將我焦點轉向右方) 。我：咩哥哥，我前面果個係女人，得我同佢排隊。而且我頭先張張單
野食就唔評論了，因為依間野未改名之前已經食開，水準一向可以。
但自從改名重開，雖然風味接近，但整體水準絕對係江河日下，住開馬鞍山一定知我講咩，因為間野仲叫濠園果陣都幾乎都十年前有多。
重點係埋單比錢，排我前面有一位女士，我係排第二。女士離開後我就上前埋單，埋單價錢係$121。
我比一張$100，兩張摺埋左的$20，加一個$1。
我將紙幣連同硬幣疊係收據牌上面，然後放在檯面(亦是收銀員左方)，收銀員(該名婦人應該也是老闆娘) 一手將錢掃低然後用好快速的手法將錢分開，再將$100同$1放番上檯面(但放回的位置不是左方，而是右方)。
我絕對肯定係比足錢，因為我唔鍾意找錢所以一定計足數，anyway
我見該婦人舉止有異，於是我開口一問：收齊喇可？
婦人道：仲差廿蚊。
我：吓廿蚊？果度兩張十蚊黎，你有冇數？(而事實佢係將錢一手掃低之後就將$100同$1拎番上檯面，此舉似乎係想製造我仲差$20的情況)
婦人道：果十蚊係前面個哥哥比。你張單係度(此時將我焦點轉向右方) 。
我：咩哥哥，我前面果個係女人，得我同佢排隊。而且我頭先張張單同前放係度(即檯面左方)，你做咩將Ｄ錢分開放左係度(我指著右方)
你話咩哥哥比果張十蚊，係我比架，得我一個人埋緊單。
婦人：得得得我唔同你嘈，就當係你比你都差我十蚊啦。
事已至此，我亦唔想為左十蚊影響他人，亦唔想映衰自己，我放低十蚊就走左。
如果睇唔明，我簡單講，就係收銀婦人冇清楚點好數目，同時將客人埋單的金錢以快速的魚目混珠手法誤導客人以為自己比少左錢。
我並非想指控該婦人，因為要做早就按法律途徑做了，但為左$10實在毫無必要。
但同時，我陳述今次事件係希望有機會光顧此店的人知道自己有咩潛在風險，此乃誠信和態度問題。
由始至終本人態度平和，但該婦人的語調同態度從頭至尾都係「」變本加厲，可以睇得出該婦人完全唔休做唔怕鬧事，只將客人視為謀利之物，毫無基本道德和做生意之禮儀可言。
同類餐廳例如太興就比此店要好得多，人家收錢數目分明，一分一毫都會當面數清楚，與此店手法完全相反。
在此敬告任何一位馬鞍山或他區的食客不要再光顧此家下流食店，否則無疑助紂爲虐，助長此店之無恥氣炎。
此店唯一可取之處反而是樓面的侍應女士，前後有三位不同的女士招待過我，三位都非常有禮。
張貼