陶園燒臘飯店

新年期間，去左佐敦呢間出名燒鵝店買外賣斬料，好出色！

呢間位於寶靈街，叫陶園燒臘飯店，舖面有隻燒鵝大公仔，好易認！當中有得堂食位置，都可以外賣返屋企食！

我點了燒腩仔同燒鵝，先講燒鵝，係用荔枝柴燒嘅，特別香脆嘅外皮，嫩滑有肉汁嘅鵝肉，真係超級好味呀！食2，3舊都送到成碗飯！

至於燒肉燒腩仔，肥瘦適中， 皮脆肉嫩，啖啖肉，就算外賣包住拎到返屋企，個皮仲係好脆！好食過一般燒臘舖好多！果然老字號！非常出色！

價錢合理，店員服務都好好，有人情味！支持！要保存下去！