南山梳乎厘 (已結業)

喺黃浦睇完戲， 去咗呢間小店度食梳乎厘。間店店面不大， 店內就只有放置咗一張小枱可供堂食。我order咗一份焦糖花生梳乎厘($45)，見店員即叫即製。價錢相比其他cafe來講算合理。整梳乎厘材料其實相當簡單又便宜，主要都係食功夫和人工錢。梳乎厘做得算高挺，上面舖滿忌廉焦糖花生碎。輕輕𠝹開， 夠鬆軟，內裏濕潤。 入口即溶， 但蛋味未夠濃香，口感軟綿， 充滿空氣感，算做得不錯。呢個價錢亦算抵食，整份食晒都好飽。