影片
更多
2017-02-28
645 瀏覽
隔離好多人果間質素每況愈下⋯絕對係乘虛而入既時候！附近大學內地生越來越多，加上租住紅磡黃埔既扮工人士放工想搵下家鄉既味道 呢間新店好似開左無幾耐已經好多人幫襯，是日見到一眾顧客都係普通話人士，一定有番咁上下辣！三人行叫左米線/麵線/紅油抄手三樣主食，其中抄手細細粒 皮好薄好滑，20粒都唔夠喉；米線比平時粗身小小，但都彈好多；大腸好乾淨，又爽口，唔會淋支支得個腸皮，好味！另外掃左牛展，我俾十粒星！！！切得薄得黎好淋，夾雜住牛筋，淋中又鯰鯰地咁，d辣汁又香，中辣都接受到。小食仲試左蒜泥白肉同皮蛋，兩個都唔錯，蒜泥非常重口味，應該用攪拌機攪碎d蒜頭同香料辣椒，所以好碎 好均勻分佈晒係塊白肉上面，重口味中又帶點刺激！皮蛋唔辣，無化學品味，做前菜唔錯會翻兜！
三人行叫左米線/麵線/紅油抄手三樣主食，其中抄手細細粒 皮好薄好滑，20粒都唔夠喉；米線比平時粗身小小，但都彈好多；大腸好乾淨，又爽口，唔會淋支支得個腸皮，好味！
另外掃左牛展，我俾十粒星！！！切得薄得黎好淋，夾雜住牛筋，淋中又鯰鯰地咁，d辣汁又香，中辣都接受到。
小食仲試左蒜泥白肉同皮蛋，兩個都唔錯，蒜泥非常重口味，應該用攪拌機攪碎d蒜頭同香料辣椒，所以好碎 好均勻分佈晒係塊白肉上面，重口味中又帶點刺激！
皮蛋唔辣，無化學品味，做前菜唔錯
會翻兜！
張貼