影片
更多
2021-05-01
792 瀏覽
餐廳：齋啡 (尖沙咀)地址：尖沙咀柯士甸道154-156號花園大廈地下7B號舖其實我曾經有一年半時間喺完全食素，因為食素食得均勻真係健康同埋環保好多，用Impossible meat為例對比傳統牛肉🐂，所用嘅水量、排放嘅溫室氣體同埋土地使用量都減少八成半以上♻️，真係救翻地球唔少🌍 今次去咗尖沙咀呢間全素打卡網紅Cafe——齋啡 @vegocoffee ，除咗打卡之外📸，仲想搵返食素嘅喜悅，同埋支持呢間提倡平權、動物權益、環保，仲有最重要純素嘅全素食黃店Cafe💪💛餐廳佔兩個地鋪位置，一邊喺點餐、取餐、買賣商品同廚房，而另一邊就喺座位同打卡位😎，成間Cafe以木系同乾花做主題🪵，用環保竹其實都可以設計到間餐廳好靚㗎😍✝️黑松露醬·大啡菇芝士牛堡配牛油果沙律 $158用竹炭Bagel夾住大大塊十足十似牛肉嘅Impossible Meat，面頭有爆汁嘅大啡菇、芝士、黑松露醬，而下低就有火箭菜、蕃茄、青瓜，超級大份，真係要用刀叉逐少切開嚟食🤣，牛油果亦都好新鮮🥑，沙律菜以火箭菜為主，放心啦成份都係素嚟㗎😌✝️芫荽紫菜肉鬆墨西哥卷 $118唔知有冇芫荽控喺度呢？墨西哥卷包住純素肉鬆、芫荽、紫菜、甜辣
地址：尖沙咀柯士甸道154-156號花園大廈地下7B號舖
其實我曾經有一年半時間喺完全食素，因為食素食得均勻真係健康同埋環保好多，用Impossible meat為例對比傳統牛肉🐂，所用嘅水量、排放嘅溫室氣體同埋土地使用量都減少八成半以上♻️，真係救翻地球唔少🌍
今次去咗尖沙咀呢間全素打卡網紅Cafe——齋啡 @vegocoffee ，除咗打卡之外📸，仲想搵返食素嘅喜悅，同埋支持呢間提倡平權、動物權益、環保，仲有最重要純素嘅全素食黃店Cafe💪💛
餐廳佔兩個地鋪位置，一邊喺點餐、取餐、買賣商品同廚房，而另一邊就喺座位同打卡位😎，成間Cafe以木系同乾花做主題🪵，用環保竹其實都可以設計到間餐廳好靚㗎😍
✝️黑松露醬·大啡菇芝士牛堡配牛油果沙律 $158
用竹炭Bagel夾住大大塊十足十似牛肉嘅Impossible Meat，面頭有爆汁嘅大啡菇、芝士、黑松露醬，而下低就有火箭菜、蕃茄、青瓜，超級大份，
真係要用刀叉逐少切開嚟食🤣，牛油果亦都好新鮮🥑，沙律菜以火箭菜為主，放心啦成份都係素嚟㗎😌
✝️芫荽紫菜肉鬆墨西哥卷 $118
唔知有冇芫荽控喺度呢？墨西哥卷包住純素肉鬆、芫荽、紫菜、甜辣醬🌶、蕃茄🍅、青瓜🥒、羽衣甘藍、生菜🥬、紅蘿蔔，食落以芫荽香為主，每一啖咬落去都好清新爽脆嘅蔬菜，加埋純粹肉鬆嘅肉類質感，令到墨西哥卷唔會咁dry🫔
✝️紅絲絨蛋糕 $54
全天然用紅菜頭去染色，仲有純素忌廉同牛油去整成嘅cream，當中梗係唔少得可可粉，
食落比朱古力蛋糕芳香同甜，忌廉上面仲灑咗紅菜頭粉，賣相更加吸引🤤
✝️無麩質朱古力蛋糕 $58
社會上面其實有好多對麩質過敏嘅人，出街食飯係佢哋一個好大嘅困難，無麩質食物就可以令佢哋食得放心又安心😇，
食落質感同我哋平時食嘅朱古力蛋糕無差添，係稍為乾身少少，朱古力香依然好出😋
✝️最後跟餐加$15分別叫咗杯Beetroot latte同Dirty，呢度嘅咖啡都係用燕麥奶為主🌾，唔會見到任何牛奶嘅出現🥛；
特別想介紹吓杯粉紅色夢幻嘅紅菜頭Latte💕，將紅菜頭磨成汁再打入起泡嘅燕麥奶，顏色吸引而且飲落兩種材料嘅味道均勻，飲到底仲食到少少紅菜頭蓉，證明係落足原材料去整👍，果然落足心機❤️
張貼
