CINCIN (已結業)

土瓜灣竟然開了一間裝修好Grand嘅西餐廳，見到晚飯嘅價位都幾高，但係都想試一次。晚飯時間唔多人。Set dinner 價位高，包了前菜和飲品。前菜可選南瓜湯或香煎黑松露帶子，帶子煎得半熟，配上黑松露同埋上面嘅魚子，成個配搭好出色。個名好搞笑，加拿大保濕豬鞍扒，但我食唔出佢有幾保濕，而且冇乜調味，味道又係要靠墊底嘅黑松露薯蓉。蜆意粉量少，質素正常，意粉唔夠al dante, 所以唔覺得值咁貴，要讚嘅話就係蜆唔腥無沙。呢隻所謂大蝦皇，一黎到就聞到好腥，其實收呢個價，最值錢應該係兩隻蝦，質素可以好一點。番紅花顏色鮮艷，但味道淡口，牛仔膝肉好軟，但無咩記憶點。成個餐牌d中文又長又奇怪，好似搵google translate出黎，而且食物質素又唔係特別高，希望可以改進。