不過果日太飽所以拎左單張就走
之後有外賣一次覺得好好食
今次去堂食再買返同一樣野
[FOOD&DRINK]登登登登~
就係呢個韓式牛肉漢堡喇
因為逼不及待想食 淨係影左1,2張相
連野飲都無影到
個包即叫即整
係熱架今次叫一個包兩個人食
店主好好 幫我地分開一半
真係好大個 好厚實
大到唔知要從邊個位入手...入口
(外賣果次我自己食單點一個包 飽到唔想郁)
完全覺得今時今日喺香港
呢個價格 呢個份量 (單叫) 抵到爛
溫馨小提示：食之前要準備紙巾
個包呢~塊肉幾juicy
好多蔬菜
有D醬(唔記得左咩味)
總之整體黎講個味道好和諧(?)
唔會有邊樣味道特別搶
我平時唔食生嘅菜
食呢個包嘅時候
D菜食到跌出黎都會食返 hahaha
(野飲叫左韓國梨汁 係一小罐 少少清甜 有D梨渣 幾好飲
)薯條應該炸得比某知名快餐店耐 比較硬身
而且都幾多
我放到最後先食都無變林
(Menu喺最後)
[SURRONDING]細細間
播韓文歌好開心會跟住唱(←我 唔係店主)
有4-5張高櫈 有一包紙巾喺枱面
個位向出 望巴士站
好多人經過嘅時候我都擘大個口食緊
好似做緊食播hahaha
[SERVICE]間舖頭總共有兩個人
店主好似係兩兄弟(好啦呢個唔係重點)
佢地係韓國人(?)(都係我估架咋)
總之佢地唔識聽廣東話 所以落單主要係用英文
不過你指住收銀機前嘅餐單點都無問題
我地食完諗住自己執出去丟垃圾
跟住店主就笑住話比佢地收啦~
我覺得呢到佢地唔會冷眼相看仲講thank you幾好
<<MENU>>
後記：其實我之前睇韓國綜藝「尹食堂」煮嘅野食好吸引
而呢間Gogi 嘅野食又相類近所以先會試
點知又真係幾好食
然而好食又夠飽先係重點以後又多一個選擇喇
