農舍 (已結業)

今日同朋友嚟到南丫島一日遊，2021年新年新開始，一大早行完山，遊覽埋魚排，食埋飯，最啱就係飲杯咖啡。太耐冇黎南丫島嘅關係，原來島上已經開咗好多新嘅咖啡店，我隨意喺農舍叫咗杯外賣熱Latte, 從店員手中接過咖啡嘅一刻，已經聞到強烈嘅咖啡香味。飲第一啖，已經強烈感受到佢係有同出面好唔同嘅咖啡豆香味，咖啡同奶嘅比例恰到好處，奶嘅味亦都唔會掩蓋左咖啡本身味道，好耐冇試過咁特別嘅咖啡，特別係試一啖就會感覺到同平時飲開嘅不同，非常好飲。唔通要飲一杯好咖啡，真係要入到嚟離島先飲到？