泰國素食

營業中

休息中

朋友介紹第一次食泰國人開嘅素食。第一：泰國人打理第二：素食食材第三：正宗泰國味道今次要介紹嘅係九龍城，或者係全港唯一一間泰國素食餐廳。叫咗幾款食物，店員很迅速幫我落單，雖然她不善於說話，但十分勤快。坐咗無耐店入面有點焗，佢就開風扇令空氣流通。叫咗個小食大拼盤，十分豐富，其中最中意係個包卷，有我最中意嘅九層塔，口感十分豐富。嚟泰國餐廳當然要食金邊粉，佢哋炒嘅金邊粉十分出色，雖然無海鮮無肉，但係勝咗味道正宗，而金邊粉唔係炒到好濕，所以無得彈。第一次食咁正嘅泰國素食，一定有下一次。九龍城出名聚居泰國人，近年地產商不斷收購舊樓睇中啟德新發展區及地鐵嘅開發，現時九龍城比以往失色咗好多，正因為咁更加唔可以俾佢哋消失，襯仲有能力，要支持默默耕耘嘅泰國小店。