影片
更多
2011-09-19
161 瀏覽
茶餐廳人人食過，但茶餐廳專用術語則未必人人知。一般常用嘅例如 0T (檸茶)、加色 (加腩汁)、行街 (外賣)、靚仔 (白飯)、茶走 (煉奶奶茶) 等等入門 level 你我可能會知，但一啲advanced level 嘅術語你又知幾多？題目：1. 靚女2. 2063. 吉水4. 打cat5. 扣底 / 雙扣6. 羅友7. 爆雪8. 墮馬9. 打河10. 甩色點呀？大家係咪估到墮哂馬，甩哂色呢？哈哈！答案在頁底，自己睇啦！是日午餐喺澳門茶餐廳，味道完全不敢恭維。差差差！招牌軟骨皇子鴿 - 唔脆無味之餘肉又韌，食到成咀油。番茄薯仔牛腩湯通粉 - 這個還好，羅宋湯頗濃，饀料算多。葡式咖哩牛腩飯 - 完全唔掂！味道是淡到無朋友，送唔到飯，唔辣又唔香，絕對需要改善！海南雞飯 - 雞又係無味，千無不要點。賣 $52 我去翠華食文昌雞飯好過。馬介休炒通菜 - 飯唔好食，唯有食呢個炒菜。馬介休奇少，乜馬介休好貴架？總結是三個大字：撈，擰絲，貪！(No Next Time !) 」答案：1. 唔係嗌你，係指白粥咁解。2. 熱檸樂。3. 一坐低伙記每人派一杯嘅水/茶，啫係你通常用嚟洗筷子嗰杯。4. 伙記
題目：
1. 靚女
2. 206
3. 吉水
4. 打cat
5. 扣底 / 雙扣
6. 羅友
7. 爆雪
8. 墮馬
9. 打河
10. 甩色
點呀？大家係咪估到墮哂馬，甩哂色呢？哈哈！答案在頁底，自己睇啦！
是日午餐喺澳門茶餐廳，味道完全不敢恭維。差差差！
招牌軟骨皇子鴿 - 唔脆無味之餘肉又韌，食到成咀油。
番茄薯仔牛腩湯通粉 - 這個還好，羅宋湯頗濃，饀料算多。
葡式咖哩牛腩飯 - 完全唔掂！味道是淡到無朋友，送唔到飯，唔辣又唔香，絕對需要改善！
海南雞飯 - 雞又係無味，千無不要點。賣 $52 我去翠華食文昌雞飯好過。
馬介休炒通菜 - 飯唔好食，唯有食呢個炒菜。馬介休奇少，乜馬介休好貴架？
總結是三個大字：撈，擰絲，貪！(No Next Time !) 」答案：
1. 唔係嗌你，係指白粥咁解。
2. 熱檸樂。
3. 一坐低伙記每人派一杯嘅水/茶，啫係你通常用嚟洗筷子嗰杯。
4. 伙記偷嘢食。
5. 扣底 = 少飯，雙扣 = 少飯少餸。
6. 唔係籮柚，而係菠蘿油。
7. 杯飲品多冰。
8. 伙記請假無返工。
9. 伙記傳菜。
10. 甩色唔係走腩汁，而係甩咗色嘅檸茶 - 檸水
張貼
