肯尼海鮮

營業中

休息中

由於新年會舉家去旅行，所以就早啲做節早啲團年！新年當然要食出一個新嘅意頭，所以肯嚟海鮮呢一個日本吉品鮑魚刺身撈起就係王者之最，而且啱晒多人分享！裏面嘅材料色彩繽紛、極具份量：包括日本吉品鮑魚、挪威三文魚、赤背、刺身帶子、赤蝦、蟹籽，配以椰菜絲、蘿蔔絲、青瓜絲及冷麵，倒上胡麻醬就可以撈起，撈出富貴，撈出平安(⁎⁍̴̛ᴗ⁍̴̛⁎)日本北海道3.6牛乳麻薯、冰糖雪燕奶凍食完鹹鹹香香嘅主菜之後，又點少得甜品嘅胃呢？全部用上日本北海道3.6嘅牛乳，所以食落奶味特別香濃！紫薯味嘅麻糬軟糯清甜，可以加上奶蓋同曲奇碎更加邪惡，雪燕奶凍滑捋捋，亦不太甜膩，份量更加係充足二人分享！