青越 (已結業)

今日試新野, 好耐冇黎過坑口喇。見到厚德改左名仲開左好多新食肆, 就喺呢間越南餐廳覓食!!!裝修都幾modern, 安排坐窗邊位, 都唔錯。午餐有河粉, 撈檬, 飯等等, 跟餐有熱飲。叫左蕃茄牛腩金邊粉, 湯粉可揀河粉, 金邊粉同檬粉。上菜都快手, 牛腩有啲肥, 肉淋唔鞋口, 份量偏少。蕃茄湯味濃, 甜酸甜酸, 都幾好味, 仲有兩三件紅蘿蔔。可惜, 金邊粉太碎喇, 食到一半要用匙羹食。其他飲品可以正價有六折, 叫左青黃不接(青瓜菠蘿沙冰), 都幾大杯。青瓜味唔算重, 菠蘿味出, 冇臭青味, 都幾好!!!埋單60幾, 冇加一, 下次可以試下佢嘅飯先。