魚尾獅餐廳 (已結業)

放左工，攰攰地，同朋友都係想坐低食野好過同人逼住行街街，未夠7點，順利入左去，本來想去玻璃窗埋邊位置傾密密偈好d，不過waitress幾體貼咁話「0個邊會冷氣凍d」，0係有個著得比較少布而又冇外套0既朋友呢d情況下，我地坐近門口位置，都比較嘈，因為出面有個大電視播住節目呢....我地叫左個雜菜沙律(其實唔肯定係「星洲」定「雜菜」)，都幾開胃，酸酸甜甜，雜菜裡面又有d果仁(應該係合桃卦~)，近來愛上介央，所以叫左個介央多士，portion當然比勝香園、蘭芳園0既細啦，好彩都係夠熱辣辣，但嫌甜味唔夠濃，顏色都唔夠吸引。主菜係椰青海鮮焗飯，份量就比想像中少，材料亦唔夠多，我預期會有帶子，但冇，好失望，未夠飽，所以點多樣甜品，不過呢度甜品選擇唔多，我地揀左唔知係咩0既摩渣，本來以為係類似渣渣0既野，點知一上檯都幾驚喜，係白色架，有芋頭、有d珍珠，又有d椰子刨冰加埋0係椰漿入面，甜甜地，幾清涼。