影片
更多
2021-10-27
1360 瀏覽
終於食咗呢間bookmark咗好耐嘅法國餐廳由於曾經試過book星期六日，但係真係好難book，所以最後就book咗平日嘅lunch time過去食其實我哋好想食signature menu嫁，但係食Signature menu分分鐘要食到四五點😂又要趕住返工，所以最後我地分別簡左4 course 同 5 course 先黎一道Amuse bouche，分別係有鵝肝、三文魚、蟹肉脆餅，賣相好精緻亦都好好食仲有暖暖地嘅酸種麵包配搭返香檳製造嘅牛油，對於麵包怪嘅我我亦都食咗好多舊😂除咗麵包之外佢仲有一啲薄脆配返一碟sour cream醬黎點，就好似食緊sour cream味鬍鬚佬薯片咁終於嚟到前菜五香烤吞拿魚配牛油果醬及脆紅蔥 吞拿魚嗰個出邊烤得好脆配返呢個牛油果醬同埋脆紅蔥，就有種酸酸甜甜好開胃嘅感覺北海道海膽配紅蝦及香脆小茴香（+$580）鋪係最上層嘅海膽非常之新鮮同好味，但係略嫌蓋過咗下層紅蝦嘅味道法國聖子配魚子醬忌廉（+$280）聖子味道好新鮮，另外魚子醬亦配合得好好可以更帶出聖子嘅新鮮味道法國田螺批配黑松露汁及蘑菇泡沫呢一個course係要2個人share放喺個木盒好靚，賣相已
由於曾經試過book星期六日，但係真係好難book，所以最後就book咗平日嘅lunch time過去食
其實我哋好想食signature menu嫁，但係食Signature menu分分鐘要食到四五點😂又要趕住返工，所以最後我地分別簡左4 course 同 5 course
先黎一道Amuse bouche，分別係有鵝肝、三文魚、蟹肉脆餅，賣相好精緻亦都好好食
仲有暖暖地嘅酸種麵包配搭返香檳製造嘅牛油，對於麵包怪嘅我我亦都食咗好多舊😂
除咗麵包之外佢仲有一啲薄脆配返一碟sour cream醬黎點，就好似食緊sour cream味鬍鬚佬薯片咁
終於嚟到前菜
五香烤吞拿魚配牛油果醬及脆紅蔥
吞拿魚嗰個出邊烤得好脆配返呢個牛油果醬同埋脆紅蔥，就有種酸酸甜甜好開胃嘅感覺
北海道海膽配紅蝦及香脆小茴香（+$580）
鋪係最上層嘅海膽非常之新鮮同好味，但係略嫌蓋過咗下層紅蝦嘅味道
法國聖子配魚子醬忌廉（+$280）
聖子味道好新鮮，另外魚子醬亦配合得好好可以更帶出聖子嘅新鮮味道
法國田螺批配黑松露汁及蘑菇泡沫
呢一個course係要2個人share
放喺個木盒好靚，賣相已經有100分
佢拎完一個原裝嘅俾你睇佢就會攞返入廚房將佢分開兩舊，之後上菜前先會淋上黑松露汁及蘑菇泡沫，味道就係蘑菇批味，屬於正常發揮
食完上面前菜已經食左個半鐘，終於黎到主菜環節。
先有碳燒斧頭扒配香炸薯仔及傳統醬汁（+$180）
呢個上菜方式同蘑菇批一樣，先用一個巨型嘅木盒拎出嚟俾你睇咗塊M6斧頭扒原本嘅樣子，一打開個盒霧出一陣煙熏味嘅香味，啲味就係來自斧頭扒旁邊嘅香料。
睇完塊扒之後侍應姐姐就會拎返入廚房，將牛扒最嬌嫩嘅部份切出嚟，得出就喺下面三件肉同用牛骨牛肉煲出嚟嘅醬汁，醬汁味道係帶有煙熏味，都幾特別。
另外，呢個扒係配一份格仔薯片，用真薯去去炸，唔油膩亦都好香脆
而外一道主菜就要左紅酒慢煮法國羊肩配朝鮮薊，個羊肩煮得好淋，入口即溶，但我就麻麻地個汁，因為比較咸，有小小蓋過左羊本身唧味道。而作為配菜嘅洋薊，原來係蔬菜之皇，我係第一次食，個味幾得意，屬開胃配菜。
食完主菜之後就拿拿淋出埋甜品
Millot74%朱古力配黑冧酒焦糖醬及烤多士雪葩
呢個就咁食個朱古力其實都幾苦下，但苦完會回甘，但配翻雪葩一齊食就好夾，可以中和翻朱古力嘅味道
香烤馬達加斯加雲呢拿泡沫配可可脆脆及雲呢拿雪糕
超好食！
泡沫同雪糕口感好綿滑，上面有啲脆脆增加口感 係碗邊果條野，就好似食緊單層版拿破崙咁
最後就係petit 4，芒果馬卡龍、開心果脆餅、櫻桃流心朱古力，3款都好好食
最後我哋係食到3點，飽到嘔，之後重要鬼鬼鼠鼠咁翻公司，因為遲大到了。
不得不讚serve我哋位侍應姐姐，我哋問佢嘅問題都答得好長詳，服務態度非常好。
如果下次再食就一定要請半日同埋食signature menu，因為侍應姐姐話一般最小都食到4點嫁。
$888/4course
$988/5course
張貼
