影片
更多
2017-10-15
2525 瀏覽
銅鑼灣開咗間新嘅日式火鍋放題，開咗喺假日酒店入面，個名同元朗千賀水產好似，唔知係咪姊妹店呢。最矚目嘅係佢哋晚市竟然係冇限時放題，閑日都係＄268 +1，真係食到飽晒先走啊。首先揀咗個湯底先，呢度都有好多唔同款式嘅湯底比較少見嘅，除咗日式火鍋必見嘅壽喜鍋湯底之外，仲有少見啲嘅人蔘雞湯，黑蒜豬骨湯，同埋沙茶擔擔等等，加錢仲可以有龍蝦湯甚至蟹鍋添，我哋今次就揀咗最傳統嘅壽喜鍋湯底。跟住係黎左一人一份嘅環球美食餐，之後仲可以後加嘢食。四品刺身加象拔蚌刺身四品分別有油甘魚，三文魚，北寄貝，同埋牡丹蝦，刺身都似得幾大片，而且食落好新鮮，最好食就係個象拔蚌刺身，彈牙得來爽口清甜，豉油都唔使落，牡丹蝦有一隻手掌咁長，仲有好多蝦膏添，識落夠清甜而且又夠creamy，但刺身冇得後加，有啲意猶未盡。三色海鮮丸有墨魚丸,蝦丸同埋鯪魚丸，三隻丸都打到起晒膠，非常之彈牙，而且用食得出裏面好多料，咬咬下會咬到一粒墨魚或者係一粒蝦咁樣。帆立貝黃金燒飯粒杯好大隻，用咗芝士同埋忌廉湯去燒，燒出嚟黃金色，賣相好精緻，樂嘅味道非常濃郁，裏面嘅帆立貝都好彈牙，冇燒到好乾身咁，上面仲加左啲蟹子，增加口感。鰆魚魚皮唐揚稻荷腐皮卷唐
首先揀咗個湯底先，呢度都有好多唔同款式嘅湯底比較少見嘅，除咗日式火鍋必見嘅壽喜鍋湯底之外，仲有少見啲嘅人蔘雞湯，黑蒜豬骨湯，同埋沙茶擔擔等等，加錢仲可以有龍蝦湯甚至蟹鍋添，我哋今次就揀咗最傳統嘅壽喜鍋湯底。
跟住係黎左一人一份嘅環球美食餐，之後仲可以後加嘢食。
四品刺身加象拔蚌刺身
四品分別有油甘魚，三文魚，北寄貝，同埋牡丹蝦，刺身都似得幾大片，而且食落好新鮮，最好食就係個象拔蚌刺身，彈牙得來爽口清甜，豉油都唔使落，牡丹蝦有一隻手掌咁長，仲有好多蝦膏添，識落夠清甜而且又夠creamy，但刺身冇得後加，有啲意猶未盡。
三色海鮮丸
有墨魚丸,蝦丸同埋鯪魚丸，三隻丸都打到起晒膠，非常之彈牙，而且用食得出裏面好多料，咬咬下會咬到一粒墨魚或者係一粒蝦咁樣。
帆立貝黃金燒
飯粒杯好大隻，用咗芝士同埋忌廉湯去燒，燒出嚟黃金色，賣相好精緻，樂嘅味道非常濃郁，裏面嘅帆立貝都好彈牙，冇燒到好乾身咁，上面仲加左啲蟹子，增加口感。
鰆魚魚皮唐揚
稻荷腐皮卷唐揚
唐揚即係炸物，亦其實即係炸魚皮同埋響鈴，不過就換咗個日本名，成件事聽起上嚟高級好多，兩樣都炸到好乾身，一啲都唔油，仲趣卜卜，放湯一流。
海鮮盛合
有大蝦，翠玉鯇魚腩，大蚌，聖子，蜆，同埋生蠔，所有野都好新鮮，值得一讚嘅係佢個份量都唔細，其實幾舊石，最重要係通常食海產最怕佢裏面有沙，特別係size較大嘅就越容易儲沙，但係佢哋啲內科應該幾靚，我食咗咁多一粒沙都冇，我自己最鍾意就係個聖子，好大抽，普通街市買唔到咁大size嘅聖子，就算淥完縮左都有成隻手掌咁長，爽口彈牙，仲有淡淡的清甜味道，質量好高。另外過大蚌都令人耳目一新，頭先咁大隻真係好驚佢有沙，而且煮出來通常都會好老好韌唔好食，你一款整出嚟一啲都唔老，裏面仲啖啖肉，爽口彈牙，同樣質量好高。
手切牛小排
打邊爐當然唔可以冇咗牛肉啦，睇相就知道佢嘅雪花分布幾均勻，真係入口即溶，啖啖的牛肉味溶係口中。
出面嘅自助位有唔少其他熟食同埋湯可以，而打邊爐嘅配料唔夠之外，出面仲有好多唔同嘅蔬菜，丸類，保證你食幾耐都仲有得叫。
食完之後仲可以揀食甜品，而甜品都有五六款選擇，未計雪糕雪條，以放題來講算係相當豐富。
買單每位＄300唔使，坐得舒服又可以傾咁耐，仲要係銅鑼灣呢啲旺區。
張貼
