稻草人餐廳 (已結業)

夜晚游完水諗住去食飯.上到去,個格局係園林feel.我地4男4女好快就有位坐(因為係夜晚10點後).睇個menu,係就係多野選,不過d價錢set得幾高下.個waitress冇禮貌,一路幫我地落單一路趙香口膠.仲要未點晒就走開左.我叫左咖喱海鮮炒飯.好細碟,一味得個辣字,海鮮又少,得d魷魚同埋蜆仔,但係就落好多青椒紅椒.另外有兩個女仔fds叫左個100蚊既2人情侶套餐.點知個waiter就上main course先,之後先到餐湯,前菜仲要係成20分鐘後先上,個甜品係涼粉,但係好細碗既.食到11點左右,突然落閘,d人走都要行後門.食完之後真係坐多陣都費事.埋完單計番條數,發覺佢計少左三十幾蚊,當打個折囉...呢間野真係去一次就夠...