泰寫意

同家人聚會，近近地係屯門，揸車可以泊路旁，所以坐户外，方便睇車，夜晚都涼涼地幾舒服，座位同枱都幾闊。第一碟係泰式刺生蝦，幾好味，好爽口，一放低就食哂，忘記影相，因為人多分得一隻，好想再叫。冬陰功夠哂辣。有叫炸皮蛋，次次食泰菜都必點，唔太油，OK。另叫左爆炸軟殼蟹，幾足料，好好味，不過要趁熱食，凍左冇咁好味，浪費左，燒魚大大條幾抵，串燒都好足料，唔會燒到乾（珍珍）。食物整體而言，味道不錯，正常泰國菜價格。