影片
更多
2020-03-23
539 瀏覽
終於有時間寫番個食評，平時真係好少會上黎寫，食完一直耿耿於懷，比咁貴的價錢食咁低質，認為有需要俾各位準客人睇睇，特別係眼見咁多作家，應該放左唔少錢賣廣告。全餐飯9course加埋成本都唔知有冇$200，食物質素似平時supermarket買的質素，每碟得一粒乒乓球咁大，食物難食，法國菜唔係話用勁大的碟，裝住一粒/一塊野，加幾塊花花草草就扮高級食物！呢間餐廳真係無改錯名，名符其實香港名人AMINA，待客正宗黑口黑面！首先，每位 $1380 + 10%，2人埋單 $3000至少 ，一間好似工廈的西餐廳呢個價值真係好笑，仲要比我地一嘗所謂「Fine Dining」 的「另類享受」。 一出lift就見有個櫃，放左雜物在門口，但係又一個店員都冇，唯有自己捐個頭入去叫人。餐廳好細，一入去一眼睇晒，枱椅好迫，傾計周圍係會聽到晒好尷尬，伸手已經可以觸碰到隔離。去到坐底，揮手好幾次終於有侍應過黎。Menu的選擇好局限，main course要另外加錢。Wine list要問先會提供，已經係得幾款酒仲要有D無貨，我再望一望店內的大型酒架，原來八成都係空架！真係自暴其短，個巨型空架只係一個裝飾品，無酒賣，
呢間餐廳真係無改錯名，名符其實香港名人AMINA，待客正宗黑口黑面！
首先，每位 $1380 + 10%，2人埋單 $3000至少 ，一間好似工廈的西餐廳呢個價值真係好笑，仲要比我地一嘗所謂「Fine Dining」 的「另類享受」。
一出lift就見有個櫃，放左雜物在門口，但係又一個店員都冇，唯有自己捐個頭入去叫人。餐廳好細，一入去一眼睇晒，枱椅好迫，傾計周圍係會聽到晒好尷尬，伸手已經可以觸碰到隔離。去到坐底，揮手好幾次終於有侍應過黎。Menu的選擇好局限，main course要另外加錢。Wine list要問先會提供，已經係得幾款酒仲要有D無貨，我再望一望店內的大型酒架，原來八成都係空架！真係自暴其短，個巨型空架只係一個裝飾品，無酒賣，我覺得無酒可以提前通知客人自己帶酒上黎。
餐廳的裝潢好似東一忽西一忽咁，全部配合起來好唔MATCH，都見到有幾慳皮 (CHEAP)，收人咁貴價錢，個裝修仲普通過屋企。由於係望樓景，餐廳落左竹簾，個簾似足人地餐廳廁所簾。燈光整體好暗，好突兀有幾盞係座地燈，照住客人又熱又刺眼。張枱左搖右擺，桌布又殘又舊又有污點，酒樓D桌布都比佢整齊。枱面個蠟燭座、牆身D膠貼十蚊幾個有交易，D餐具花到不能再花。飲酒飲水時記得留意酒杯，仲有一邊牆個塊合併而成的大玻璃 污漕到…
以為食物方面有驚喜，點知極為失望！
一開始麵包好難食，等左超過30分鐘先有另一道菜上。每一道菜都係用2、3分鐘、3啖就食晒，食完之後每次都要等20-30分鐘，上菜極慢，等到我地又眼訓又肚餓。
帶子蟹肉包入面腥臭架，仲有個金槍魚刺身，Supermarket買的特價刺身都好味過！求其放兩粒刺身上碟，加幾滴汁就話一道菜… 鵝肝有根，好似豬膶咁奀。見到隔離枱遲黎，明明食同一個SET，但比我地更快上菜。到餐湯，終於忍唔住去問侍應，侍應話要再等下，到隔離枱飲完喇，我地再問，侍應先斯斯然行去廚房。過左一陣，終於有湯拎出黎喇，侍應好大力放低咁放底左個湯就行開左！原來就係呢間餐廳的待客之道！ 仲有個湯係唔熱！真係唔明等左咁耐原來唔係即煮的！真係等到好無mood。餐飲就係用茶包沖，又係兩啖飲晒，真係一d誠意都冇！賺錢賺到咁盡！最後埋單好快手，果然收錢最緊要。食完呢餐一D飽肚感都冇，我地之後去左食宵夜。
呢間BLACKLIST！！！ 下次去食豉油西餐都冇咁激氣！
張貼
