鮨夢 (已結業)

就嚟父親節，啊爸好想食omakase但係又訂唔切位，所以唯有同老竇提早食個lunch omakase。我哋揀咗個9貫嘅壽司omakase set，包埋蒸蛋、前菜、麵豉湯同甜品，蒸蛋加左秋葵，食落黏黏地，同蛋味幾夾，另外前菜係個藜麥沙律，正正常常。接下來嘅壽司由師傅一道一道咁上，大概有：右口魚、深海池魚、醬油漬赤身、油甘魚近親（唔記得咗名😅）、金線鯛、池魚、帆立貝、金目鯛、三文魚子，特別講吓其中幾款壽司：右口魚唔同平時食開嗰種左口魚裙邊嘅做法，著重左喺右口魚魚身嘅位置，佢冇咗炙燒嗰種油脂感，變咗好清爽嘅白身魚，不過唔算太突出，我自己就鍾意返炙燒左口魚裙邊多啲🤓醬油漬赤身呢款有少少醬油鹹香味之餘又唔會冚左赤身本身嘅味道，魚質亦都非常之彈牙新鮮，金線鯛師傅話即係香港嘅紅衫魚，金線鯛夾表面火炙過令到成舊魚好香口，而底下仲係生嘅質地，令到層次好豐富，好食😋三文魚子最後呢款壽司啲三文魚子，每一粒都好大粒，每一啖都好滿足，啲紫菜又非常之脆，配埋一齊食口感好豐富🥰食完壽司之後侍應會安排埋麵豉湯或者烏冬，我揀咗麵豉湯，普普通通唔特別最後就係甜品，係雪糕黎，有芝麻同綠茶味，我就揀咗綠茶味，茶味非常之香濃，