影片
更多
2017-06-04
274 瀏覽
小弟係個放題控，成日試吓唔同嘅放題，今次梗係唔可以錯過好多人都讚好好食嘅極上大喜屋。我哋book咗枱12點，我哋11:50就已經去到見到門口好多人排隊入場，我哋大概等左5分鐘就可以入去啦。佢食物嘅款式都好多，有刺身、手卷、軍艦、卷物、飯同面、串燒、甜品等等。一開始我哋都叫咗啲嘢飲，分別係烏龍茶同埋芒果汁，佢飲品嘅種類都好多又有可樂、汽水同埋茶。我哋叫咗嘅嘢食都好快嚟到，當然急不及待嘅就梗係食咗刺身先啦，大大件好好食，仲要個裝飾好靚添。我哋一開波就叫咗三文魚、甜蝦、帶子、長腳蟹。刺身嘅質素真係好唔錯，非常新鮮，長腳蟹好鮮甜。之後就叫左啲壽司同埋卷物，我女朋友話嗰隻牛油果軟殼蟹好好食，因為我唔食牛油果，所以叫咗四件嘅牛油果軟殼蟹全部都係女朋友食晒。粟米我覺得幾好食，好甜同埋好多汁，我覺得好食過葵廣嗰啲粟米好多，而沙律就冇乜太大嘅特別，不過佢嘅沙律醬都幾多，我平時食沙律啲沙律醬仲多過啲生果，所以我覺得好好食。而雞翼上枱時就熱辣辣，食落口都幾有味，不錯！重頭戲黎啦！就係呢個帆立貝，我哋叫咗四隻，上枱時都俾佢嚇親，每一隻嘅份量都好大隻，成有半隻手掌咁大隻，配有好好味嘅沙律醬一齊燒， 勁好食。呢個
我哋book咗枱12點，我哋11:50就已經去到見到門口好多人排隊入場，我哋大概等左5分鐘就可以入去啦。
佢食物嘅款式都好多，有刺身、手卷、軍艦、卷物、飯同面、串燒、甜品等等。
一開始我哋都叫咗啲嘢飲，分別係烏龍茶同埋芒果汁，佢飲品嘅種類都好多又有可樂、汽水同埋茶。
我哋叫咗嘅嘢食都好快嚟到，當然急不及待嘅就梗係食咗刺身先啦，大大件好好食，仲要個裝飾好靚添。我哋一開波就叫咗三文魚、甜蝦、帶子、長腳蟹。刺身嘅質素真係好唔錯，非常新鮮，長腳蟹好鮮甜。
之後就叫左啲壽司同埋卷物，我女朋友話嗰隻牛油果軟殼蟹好好食，因為我唔食牛油果，所以叫咗四件嘅牛油果軟殼蟹全部都係女朋友食晒。
粟米我覺得幾好食，好甜同埋好多汁，我覺得好食過葵廣嗰啲粟米好多，而沙律就冇乜太大嘅特別，不過佢嘅沙律醬都幾多，我平時食沙律啲沙律醬仲多過啲生果，所以我覺得好好食。而雞翼上枱時就熱辣辣，食落口都幾有味，不錯！重頭戲黎啦！
就係呢個帆立貝，我哋叫咗四隻，上枱時都俾佢嚇親，每一隻嘅份量都好大隻，成有半隻手掌咁大隻，配有好好味嘅沙律醬一齊燒， 勁好食。呢個絕對推薦，一定要叫！
到最後梗係要食返個甜品啦，不過佢呢個嘅雪糕只係一人一杯，佢都有幾多口味俾你揀，movepick可以揀士多啤梨或雲呢嗱，而Haagen-Dazs就有多幾款俾你揀，不過唔係好記得有邊個幾款嚕！整體上，佢嘅食物款式同埋味道真係非常之好，而座位上嘅安排都好舒服，二百幾蚊嘅buffet lunch真係物有所值，不過真係好多人，建議可以book咗位先，不過我見冇book位嘅都會盡量安排座位比佢哋，當然book定位穩陣啲啦，如果真係冇book嘅就早大概半個鐘左右去排隊啦。
張貼
