海膽質素唔錯，鮮甜完全唔會苦，鱘龍魚子醬配埋海膽食超正，首先將海膽鋪在紫菜上面，然後再加魚子醬😌奢華嘅享受，魚子醬鹹香，令海膽食落更加鮮甜。
鰹魚半敲燒配洋蔥汁
表面微焦脆 內裡魚肉半生熟 洋蔥汁食落有驚喜
A5鹿兒島和牛壽喜燒
分量十足有前菜，蟹肉吞拿魚多士，多士脆口，入邊有大量吞拿魚蓉。芝士免治雞肉丸，肉丸香軟，芝士鹹香！
鹿兒島和牛係靚嘅！油花靚到😌輕輕淥熟呈粉紅色，已經可以準備食，蘸蘭王蛋漿食入口即化！佢哋個飯好有心思係黑松露飯，食落口味道香濃。
山渣蓉伴香煎鵝肝吐司
超級大方，因為鵝肝極度大件！煎到外脆內嫩，豐富鵝肝，蛋白質香氣。山渣蓉就平衡晒鵝肝嘅油膩，鵝肝好食😳
蘭王高湯玉子燒
一切開又係一種視覺，勁多明太子醬爆出嚟！玉子燒用蘭王高湯煮到軟綿綿，玉子燒蛋香味濃，加明太子醬，超好食，鹹香辣一次過喺口入面。
自家製醬燒墨魚腸
超正，佢哋嘅墨魚腸鹹香有海鮮味道，燒到剛剛好。
