龍糖坊 (寶漢大廈)

依加坊間甜品款式愈黎愈多，愈黎愈有特色～有時飯後都有啲口痕想食下甜嘅嘢，如果附近有間創意甜品舖就最好～前幾日就喺呢間位於旺區銅鑼灣新開嘅甜品店食咗幾款特色甜品，味道相當唔錯，有機會會再去過！


桂花桃膠雪燕燉梨
呢款甜品材料有桂花、桃膠、雪燕、蓮子、紅棗同埋枸杞，整體食材呈現健康養生嘅理念～味道方面飲落偏淡香鮮甜，唔錯，感覺好有滋補效果！


芋圓芒果仙草奶凍
滑嫩嘅仙草涼粉，大粒新鮮嘅芒果粒，煙韌嘅芋圓，淡淡嘅奶香，冰涼嘅口感，呢道甜品好適合炎炎夏日去食～


榴蓮腸粉
呢碟腸粉皮薄餡多～一口咬落去滑溜得嚟，榴蓮味非常新鮮濃郁，味道係口入面迴盪，良久不散。對於榴蓮迷嚟講，呢款甜品絕對係不可錯過！

桂花桃膠雪燕燉梨

$52

芋圓芒果仙草奶凍

$48

榴蓮腸粉

$68