冬天最啱就係打邊爐，呢間餐廳湯底都好多選擇，而且都好特別，有海南椰子文昌鷄窩、秘制蘿卜牛雜窩、胡椒豬肚鷄窩等，最後選擇咗海南椰子文昌鷄窩 $288！
湯底用足料，用咗成隻文昌雞，有椰子、紅棗、杞子等配料，文昌雞肉質滑嫩，而椰子雞湯底飲落非常鮮甜，打邊爐之前記得飲返碗，超好飲！
.
亦都叫咗幾款火鍋配料，包括新鮮吊龍片 $188
豬肝 $68、秘製牛肉餃$78、江西米粉 $28同冰菜 $58。新鮮吊龍片唔使煮好耐，碌8-10秒就得，食落牛味濃郁，肉質帶少少脆身，好食！
豬肝好新鮮，睇落有光澤，豬肝都唔適宜煮太耐，否則食落會好柴。
秘製牛肉餃，皮薄餡靚，食落會爆汁，用左黑椒調味，味道香濃！
江西米粉煮完之後吸收曬湯底精華，又爽口，配埋清甜嘅湯底超好食！推薦！
最後要大大力推薦嘅就係冰菜，呢種菜係火鍋店好少見，菜莖同菜葉佈滿了晶瑩剔透的冰晶，可以生食，食落好爽口，用嚟打邊爐，煮幾秒就得，煮到太淋唔好食，配埋椰汁雞湯底真係超清甜好食！
.
餐廳侍應服務態度好好，隨時都會照顧食客嘅需要，而環境方面，餐廳裝修設計好似K房咁，設置咗唱K機，可以邊唱k 邊食，大家可以一展歌喉🤣。
