蘇媽.蘇媽馬來西亞茶餐室 (已結業)

蘇媽.蘇媽馬來西亞茶餐室位置十分方便，位於尖沙咀加連威老道10號加威中心地下，地鐵站B1出口約步行2分鐘就已經到達，今日係星期六夜晚8點左右到餐廳，餐廳空間好大，入面好熱鬧好多客人，坐低無耐，店員就每人送上一碗肉骨茶，肉骨茶有藥材味道，飲完可以再添飲，餐廳用QR自行點餐，今次加埋朋友有4人，所以叫左好多嘢食😍每樣食物份量都唔算好多，可以比我地叫多幾款🤩今次我地order左好多食物：一字骨肉骨茶$138、檳城亞參叻沙（米線）$62、辣死你嗎配烤雞脾$72、椰香咖央多士$35、海南鴛鴦燒麵包$45、玻璃魷魚配通菜$58、魚仔醬撈啦啦$58、馬拉串燒3串（豬同牛）$52、馬來黑叉燒（腩肉）$96，飲品方面就叫左三杯美祿恐龍$38同一杯馬來西亞拉茶$27，整體食物都好美味，值得一試❤️，最印象深刻係椰香咖央多士，厚厚的咖央醬加上牛油，麵包又烘得剛剛好，好脆！美祿恐龍簡直係必叫✨️滿滿美祿粉🍫成坐小山丘咁高，好正！有機會必會再黎食👍👍👍