影片
更多
2022-03-19
69 瀏覽
久違嘅堂食！難得老公平日放假，近近地去咗鶴旭食拉麵！【白鶴】北海道牛乳海鮮烏冬($98)好鍾意呢個北海道牛乳湯底，奶香十足又唔漏，而且飲完都唔口渴！上面有兩大隻刺身級牡丹蝦同刺身帶子，蝦肉甜美肥碩，帶子柔軟鮮甜，加埋蟹籽更添口感！烏冬份量都唔少，口感彈牙唔會太淋！+15點咗溏心蛋，蛋黃好紅，蛋味突出，流心度都啱啱好，值得加點！吉列蠔(+$22)吉列蠔炸漿酥脆，包住多汁肥厚嘅蠔，水準唔錯！拉麵亦奉送玄米茶一杯日式滑蛋蒲燒鰻魚定食($78)定食除咗有鰻魚飯，仲有日式湯及前菜，頗有誠意。漩渦滑蛋炒得嫩滑，上面仲見到蛋汁流動，非常吸引，配搭甜甜嘅鰻魚，可謂不敗嘅組合。不過我都係鍾意之前食過嘅滑蛋叉燒飯多D，印象中叉燒飯會有埋好多蔬菜配菜，顏色豐富又健康！
【白鶴】北海道牛乳海鮮烏冬($98)
好鍾意呢個北海道牛乳湯底，奶香十足又唔漏，而且飲完都唔口渴！上面有兩大隻刺身級牡丹蝦同刺身帶子，蝦肉甜美肥碩，帶子柔軟鮮甜，加埋蟹籽更添口感！烏冬份量都唔少，口感彈牙唔會太淋！+15點咗溏心蛋，蛋黃好紅，蛋味突出，流心度都啱啱好，值得加點！
吉列蠔(+$22)
吉列蠔炸漿酥脆，包住多汁肥厚嘅蠔，水準唔錯！
拉麵亦奉送玄米茶一杯
日式滑蛋蒲燒鰻魚定食($78)
定食除咗有鰻魚飯，仲有日式湯及前菜，頗有誠意。漩渦滑蛋炒得嫩滑，上面仲見到蛋汁流動，非常吸引，配搭甜甜嘅鰻魚，可謂不敗嘅組合。不過我都係鍾意之前食過嘅滑蛋叉燒飯多D，印象中叉燒飯會有埋好多蔬菜配菜，顏色豐富又健康！
張貼
