影片
更多
2021-09-11
94 瀏覽
偶然搵到一間喺沙田嘅日式放題嘅餐廳，覺得好幸福 💛價錢又唔太貴，所以搵咗一晚同frd去試試～我哋嗌咗中間價錢極上放題，因為真係嗌咗太多嘢食，所以講吓啲highlight。食放題點可以唔食刺身，我自己就鍾意食啲煙韌啲嘅刺身，所以就嗌咗幾嚿八爪魚、北寄貝、墨魚、帶子同埋其他魚類。質素唔錯，有鮮味！平時一碟幾嚿都差唔多要100蚊，呢度用幾親民嘅價錢可以任食咁嘅刺身，真係幾抵，所以我地都encore咗幾碟。串燒方面，我覺得串燒係呢間餐廳最出色嘅菜式。見到廚師即叫即整夠鑊氣之餘，調味都好夠，又夠香口，唔會淋pat pat。推介燒雞腎、牛舌、日式海螺串。鐵板我哋嗌咗魷魚鬚、香煎廣島蠔、蝦、鵝肝、帶子等等。正常發揮，可以一試。廣島蠔同魷魚鬚都正，有落到燒汁煮。另外嗌咗加州反卷、芒果炸海老卷同其他魚生壽司，都幾好味，壽司飯冇咩雪味，應該都係新鮮飯。但係因為費事咁快食飽就冇再嗌，如果大食嘅人都可以encore再encore。由於我個朋友好想食烏冬，所以佢前前後後嗌咗兩個牛肉湯烏冬lol 證明好食！一碗份量唔太多，嚟到真係可以點返碗。美中不足嘅係我哋最尾嗌咗個豚肉火鍋，嚟到賣相幾好，但係煮落先知豚肉有三分
我哋嗌咗中間價錢極上放題，因為真係嗌咗太多嘢食，所以講吓啲highlight。
食放題點可以唔食刺身，我自己就鍾意食啲煙韌啲嘅刺身，所以就嗌咗幾嚿八爪魚、北寄貝、墨魚、帶子同埋其他魚類。質素唔錯，有鮮味！平時一碟幾嚿都差唔多要100蚊，呢度用幾親民嘅價錢可以任食咁嘅刺身，真係幾抵，所以我地都encore咗幾碟。
串燒方面，我覺得串燒係呢間餐廳最出色嘅菜式。見到廚師即叫即整夠鑊氣之餘，調味都好夠，又夠香口，唔會淋pat pat。推介燒雞腎、牛舌、日式海螺串。
鐵板我哋嗌咗魷魚鬚、香煎廣島蠔、蝦、鵝肝、帶子等等。正常發揮，可以一試。廣島蠔同魷魚鬚都正，有落到燒汁煮。
另外嗌咗加州反卷、芒果炸海老卷同其他魚生壽司，都幾好味，壽司飯冇咩雪味，應該都係新鮮飯。但係因為費事咁快食飽就冇再嗌，如果大食嘅人都可以encore再encore。
由於我個朋友好想食烏冬，所以佢前前後後嗌咗兩個牛肉湯烏冬lol 證明好食！一碗份量唔太多，嚟到真係可以點返碗。
美中不足嘅係我哋最尾嗌咗個豚肉火鍋，嚟到賣相幾好，但係煮落先知豚肉有三分二都係肥肉，唯有食嘅時候分返開啲肉同肥膏......但係其他配料係好味嘅，只不過啲肥膏飄到成個湯底都係脂肪。
張貼
