䊾宅韓國燒烤．料理 (已結業)

一直都中鍾意食韓燒，今晚一家人就去咗灣仔呢間新開既韓燒料理店度試下。打開餐牌，烤肉既種類都算多，價錢亦大衆化。落單後，店員便送上前菜，跟住就將蛋汁倒入烤爐两边，特別既係，一边加入泡菜，而另一边就放入芝士碎。店員在送上烤肉後，竟然幫我將豬腩肉同豬皮放上烤爐度燒，仲講解埋點燒先好食，可能時間尚早，客人吾多，但係d咁貼心既服務，吾係每間餐廳都有。豬皮燒得軟軟帶點黑椒味，牛肉同牛仔骨都醃得好味吾太鹹，牛舌切得薄薄容易燒，仲有肉汁流出，鷄串就夾雜着大蒜同青紅椒，食起黎冇咁漏吾錯。最期待就係蛋汁芝士，食落去又滑又香，唯一美中不足就係蛋汁較稀，蛋香味不夠強。下次一定要再食多次！