今次隔左至少半年以上..先再嚟幫襯。
因為上次食好好味、好難忘、太掛住d buger，所以見放假得閒..就單拖都特登過嚟食！大概8:30-9:00pm先去到，唔算多人，所以唔洗等位。
然後我叫左個 煙三文魚釀珍寶磨菇漢堡、炸薯條(+黑松露醬) 、炸洋蔥圈、可樂。
店員好細心，佢提左我..問我burger要唔要菠蘿包皮，我差d唔記得，好彩佢有問一問。
等左一陣，炸薯條(+黑松露醬) 上枱喇，好新鮮，仲要黑松露醬都多，好感動！
個黑松露醬好好好好味、好臭、好正！！嚟左杯可樂，有冰底+冰杯+冰凍可樂！
到burger，煙三文魚釀珍寶磨菇漢堡...脆皮菠蘿包+大大粒菇+煙三文魚......好香！好味到，同之前一樣咁正，keep到水準。
仲要burger底下有沙律菜陪襯，食完個burger都唔怕肥同熱氣喇。
最後我差唔多食哂d野，諗住可能洋蔥圈漏單，點知唔係...係店員見我差唔多食哂d野，先拎洋蔥圈比我，新鮮熱辣辣！咁細心..點得㗎？
食飽飽之後，好滿足！ 今次嚟食，多左份親戚感同愛喺度，因為店員們都好細心，繼續支持beeger！多謝你地咁用心出品！
