上海老家 (已結業)

之前朋友介紹大角咀有間正宗上海餐廳，今次有機會黎開呢區，就同朋友食個早晚飯。一坐低侍應就提醒我哋只要like & share social media 就會送蟲草花膠燉雲吞雞湯！好抵！食得上海嘢必定要叫特色前菜。肴肉絕對係一味心機菜，足料好食。而素鵝我哋就覺得好出色，香脆又唔會油膩，入邊嘅香菇同金菇都好夾。最後我哋加多個欖角肉碎炒飯，就已經九成飽⋯⋯ 估唔到呢度份量都非常之足夠。有機會下次要試埋其他川菜菜式。