紅咖哩雞、蒜蓉包
好似食朱古力火鍋咁下面有蠟燭熱住d咖哩~唔驚凍左唔好食~專登叫個蒜蓉包點黎食，紅咖哩味道較其他咖哩辣，但辣度可以接受，雞肉份量唔算好多，個咖哩汁用黎點蒜蓉包好正~
蟹肉芒果炒飯
呢個飯十分推介~份量十足之餘炒得好香~芒果應該係用左青芒，所以酸味較重，配落炒飯度酸酸地愈食愈開胃，亦都食到蟹肉既質感，成碟好快食哂~
另外有個甜品menu，每人食夠$150再加$33可以任食果個menu上面既甜品~有心太軟、泡芙、蘋果撻、芒果糯米飯等等，全部都細細件好精緻，我最鍾意都係芒果糯米飯，細細件整到好似壽司咁，一份有芒果配黑白糯米，唔算好甜但食多幾件就會好飽，如果鍾意食既話記得留肚!
