菊一巷 (已結業)

今日約咗朋友去聚會，想搵個地方坐低飲吓嘢食下串燒傾吓計😌揀咗好耐，終於都去咗呢間係鰂魚涌海灣街嘅呢一間菊一巷！呢間餐廳嘅環境佈置好特別，行入去一啲都唔似食串燒嘅地方！成個佈置好靚，係好有日式居酒屋嘅風味👍🏻👍🏻而且餐廳環境非常舒適，好適合同朋友聚會傾偈！叫咗好多款唔同嘅食物，其中一個我自己最鍾意推介嘅就係呢一個雞胸軟骨！平時去食串燒都好鍾意食雞軟骨，冇諗過原來呢個雞胸軟骨都可以咁爽！首先呢度餐廳有好多唔同嘅款式，而且價錢合理，可以叫好多嘢食都唔會肉痛！而且呢一個雞胸軟骨燒得啱啱好，加埋呢度嘅醬汁！真係食得好過癮！❤️❤️