東京街日本料理 (西洋菜南街)

最近爬文，發現唔少人都話呢間日式小店抵食，我一聽到呢兩個字已經book mark左佢😆，因為早前去過附近另一間性價比幾高、同佢都幾似既日式小店💛，印象良好，所以不其然咁將佢地兩間聯想埋一齊😅。難得朋友係九龍收工，即刻叫佢陪我試下。

爬文果陣唔難發現十個有九個都會order北海道雪花牛肉鍋$78

1

北海道雪花牛肉鍋

$78

當晚我都點左一個，其實仲可以加$10配白飯或者$18配烏冬，由於我會點個丼飯，為免食唔哂，所以齋點個鍋。
牛肉唔算好肥，份量唔少，不過牛味微弱；蛋夠香；鍋內仲有唔少娃娃菜、少少金菇、粗粉絲、嗚門卷(呢個唔好食，好粉)；個湯唔算好甜，整體都ok。

三文魚腩帶子甜蝦丼飯$88

三文魚腩帶子甜蝦丼飯

$88

三文魚腩帶子甜蝦丼飯

$88

三文魚腩帶子甜蝦丼飯

$88

刺身份量比我想象多，厚切三文魚腩更有三大件，帶子同甜蝦都各有2隻，飯量都唔少，另外仲會跟一個麵豉湯。個人中意食魚腩，貪佢魚油香，不過呢個魚腩未夠肥，中段亦有少少筋；帶子同甜蝦質素一般；

由於我自己好中意食火炙左口魚壽司，所以完全無諗就點左一客😆。

火炙左口魚壽司

$25

左口魚本身肥美，輕輕燒過後，油香更出，入口即溶🤤，$25有兩件，個人覺得抵食。

另外叫左件怪獸三文魚腩壽司$25，因為實在太多人話正。

怪獸三文魚腩壽司

$25

亦因為我本佢有期望，見到實物後感失望.....😮

怪獸三文魚腩壽司

$25

前三文魚腩，後怪獸三文魚腩壽司

話佢怪獸，我又覺得唔係，因為丼飯中既三文魚腩厚佢一倍，而且兩者size相若，個人覺得丼飯果款更似怪獸，真係好厚!! 😮如果比我再柯打多次，我寧願叫多一客左口魚，都唔會叫呢個。

至於小食就點左芝麻雞翼$48

芝麻雞翼

$48

新鮮炸出黎，外層脆口，肉質嫩滑，調味剛好。

整體食物一般，無太大驚喜，如果有比較之下，我同友人都比較中意之前果間多d😏。值得一讚既係侍應既服務態度幾好。