少爺18 (已結業)

少爺18食新加坡＋馬來西亞菜，兩個人叫左一個海南雞飯 ($98)，馬來西亞肉骨茶，小食拼盤($188)，香芒炸白飯魚沙律。海南雞飯，好食，雞算好滑，飯好香，唔會太油，有齊3種汁俾你點雞食。仲有個椰子杞子湯都好好飲，好香椰子味。本身有兩種肉骨茶揀，馬來西亞(重藥材味)，新加坡(重胡椒味)，友人鐘意馬西西亞款，佢話都幾好飲。小食拼盤個沙爹汁好好食，小食都不過不失，不過個人覺得$188 就貴左D。至於香芒炸白飯魚沙律，我地覺得呢樣最唔掂，除左Ｄ芒果，Ｄ白飯魚唔知食緊咩，太硬。兩個人食，我地都算叫得多，埋單$504，好飽… 下次食應該會試新加坡肉骨茶！另外覺得啲杯碟好靚！