古今

營業中

休息中

同同事慶生，佢喜歡日本嘢，所以黎古今試試，就係sogo隔離既澳門逸園樓上，位置極方便。午市有幾個不同丼或烏冬可選，通常配有麵豉湯。另外呢度有好多特色卷物，我哋都好想試吓呀！最後要了「金龍卷」，將飯包住炸蝦和芝士，上面鋪上三文魚刺身，一卷切開8件，有頭有尾，真係有點「龍」的影子！軟飯中的炸蝦保持脆身，面頭的三文魚又提供另一層的軟身口感，好好食！至於午餐附送的麵豉湯就不過不失啦，正常水準，我吃的是牛肉壽喜燒鍋，牛肉、菜、大冬菇，金菇、粉絲等再加隻生雞蛋！湯既餘温將牛肉慢慢弄熟，所以不會太老，肉質嫩滑，壽喜燒汁夠哂濃味，配飯很不錯！同事食爆丼鰻魚飯，兩大舊鰻魚同事話都好好食，唔多骨，而且見佢碗飯好大！紫菜碎都乾脆，唔會淋哂，相信質素不錯。如果定食同卷物再揀，我就覺得卷物吸引啲！佢仲有好多款，下次要再來試吓。