可可豬海南雞專門店 (寶榮大廈) (已結業)

前排去金鶴拉麵食晏發現原來呢邊有好多食肆, 所以今晚就過黎呢邊搵餐廳食晚飯, 係OPENRICE search到有間台灣餐廳同一間新開既日本餐廳評價不錯, 日本餐廳話無訂位就無位, 台灣餐廳仲勁, 大排長龍。繼續行, 經過呢間可可豬海南雞專門店, 店舖面積好細, 唔係老公叫住我真係行過左都唔知。

我地嗌左特色椰香海南雞飯, 椰香海南雞拼招牌豬手, 樽仔檸茶(套餐升級加$9)同食療拿杯湯(套餐升級加$18)。佢地既MENU寫得唔太清晰, 以為椰香海南雞拼招牌豬手只有餸, 所以特色椰香海南雞飯我地揀左增量。但送到黎既時候發現原來椰香海南雞拼招牌豬手都一樣係有跟飯。而店員亦都聽漏左我地要增量, 所以最後我地係食左兩個正常份量既飯餐。

椰香海南雞拼招牌豬手 - 同特色椰香海南雞飯既份量一樣然後多左兩件豬手。鍾意佢地既海南雞係無骨, 肉質唔韌。豬手爽口容易咬開。海南雞同豬手亦都煮得入味。飯係粒粒分明, 乾身既嗰種, 感覺唔油膩但又充滿油飯香。不過佢地既青木瓜沙律唔好食, 唔係無酸辣味咁簡單, 直頭係無味。

應該要係MENU加返個飯字

特色椰香海南雞飯

樽仔檸茶 -  好飲甜度適中, 茶底應該係用左錫蘭紅茶。食療拿杯湯 - 好飲, 真材實料, 最鍾意飲熱辣辣既中湯, 好多時出去餐廳嗌湯飲溫度都唔夠。建議店家加返少少鹽。

樽仔檸茶,食療拿杯湯

可可豬海南雞專門店食物味道不錯但份量偏少, 男仕們要嗌多份小食先夠飽。