望住呢間餐廳既牛牛光管design，唔使審都知出名食牛扒，非常期待呀～除左一人份既鐵板餐之外，佢仲提供二人餐，價錢更化算。跟餐已附餐湯麵包，我地仲加$28 叫埋份煙三文魚沙律，有住一大片魚，淋上黑醋汁，成啖擺入口最正。
火焰七打牛柳舊肉超厚身，激起人食慾。第一次聽七打呢個名字，大概係某d 矜貴部位了吧！佢食落脂肪唔多，但肉質依然嫩滑唔un，算係上品～已附上薯菜，仲可另外再加飯or 意粉，大食同事都俾個like！
我都試左同事既火焰燒豬肋骨，都唔錯呀，甜甜既醬汁絕對係精華所在。另外我地仲叫左個脆炸雞翼share 食，呢個幾surprised，佢其實係我地後加的，本身已經差唔多食完飽左八成，但都仲覺得好好食，因為佢真係幾惹味，酥炸香口，先$38～
餐廳提供唔少特色飲品，好似棉花糖朱古力同夢幻啫喱利賓納等等，不過都咁岩缺貨中，唯有有機會再試。
