等等HEA

九龍城出名多好野食，見近排開左間台灣菜，於是專登黎試下。平日夜晚7點幾去到，唔洗排隊就有得入喇。

我係台灣牛肉麵既愛好者，所以嗌左個紅燒牛肉麵試下。湯底濃郁，牛肉燜到好腍，蘿蔔好入味，唔錯唔錯👍🏻

好少台式小店會有得食燒肉，可以揀自己燒或者廚房燒，我地當然揀自己燒過下癮啦。我地點左小牛排同埋牛肩胛，份量剛好夠二個人食。肥瘦肉比例適中，加埋特製醬汁，好好味!

甜品嗌左個椰奶芋圓仙草，好足料，黑糖珍珠同芋圓煙靭，值得一試😋