Petit Pret (已結業)

匆匆忙忙搭完地鐵經過，自己已經好耐冇係Pret A Manger買嘢食，因為覺得佢啲食物唔係幾啱自己口味，但因為一個朋友介紹我飲呢支野之後，我竟然愛上左呢支野飲，會真係因為呢支飲品特登走入去買一支飲品～點解咁鍾意呢支野飲，係因為自己特別鍾意啲果汁有落薑味，呢支野就咁就偏偏中咗我嘅要求～ 之前浄睇呢支橙色嘅飲品叫「Flu Fighter」，咁橙色仲以為佢純粹係嗰啲紅蘿蔔汁，冇諗過一飲之下會有啲薑味；除咗紅蘿蔔汁同薑之外，佢仲混合左橙汁同蘋果汁，但成個總括味道到始終都係薑味重啲，但味道有好容易入口，好好飲！！佢描述話呢支野可以防感冒，增強免疫力，等身體可以對抗病菌，佢講呢一點我就唔知係唔係真係咁有效啦，但係自己飲完之後第一個好快反應係可以排毒，所以我覺得都好有用，好鍾意，好味又健康，推介！！