今日午餐同事一齊叫屯門大興湯嘅「湯加」，我見好少留言，而且只有負評，好想為佢持平俾少少個人意見。
今次不是第一次幫襯湯加，前一次15.03.21我用網上外賣平台訂「蟲草花花膠魚肚雞湯飯」，其實味道不錯，只是雞油太多，整體上四星。
但今次我聽了同事的意見，叫了「兩餸一菜飯湯飯」，結果選擇非常多，最重要是有健康的選擇，例如竹笙、豆腐、鮮牛肉、雞肉片、多種瓜菜，我同事都揀了雞扒，又香口又美味。另外湯底（例如魚湯、辛辣、番茄）同飯/粉/麵都有好多選擇，連三色飯、薄餅也有。選擇十分之多，悉隨尊便，而且可以加好多嘅餸，最多好像是十款，哈哈！
其他同事叫「姬松茸鮮淮山竹絲雞湯飯」味道尚可，無「蟲草花花膠魚肚雞湯飯」那麼油膩。但另一個訂「客家黃酒薑絲煮滑雞湯飯」就不太合味道。
最近網上外賣平台也有折扣優惠，尤其網上外賣平台有八折優惠，十分化算。
所以我想湯加的湯飯未必個個喜歡，但我覺得「兩餸一菜湯飯」，選擇好多，味道佳，值得推介！
