爆爆鍋 (已結業)

我依家好少食放題打邊爐，唔係唔好食，喺影相唔靚。一格格正正方方，牛肉就咁平放。係真係單調咗啲。同埋放題其實叫唔到多幾碟，所以衣家好多時會揀靚d既同有特色d既火鍋。呢間餐廳的擺盤好精緻，而且口味又係我中意既台灣火鍋。餐廳好多角落都放滿左摩艾石像，一個來自於神秘既背景又得意嘅石像。 🍖店名叫做爆爆鍋，我初頭聯繫唔到打邊爐，覺得佢個名同摩艾石像一樣神秘。後來誤打誤撞之下點左櫻花蝦鮮鍋，就知咩事，店員細心幫忙喺乾既鍋底炒香櫻花蝦，薑葱蒜呢啲惹味材料，同埋好味既牛肉一齊爆炒，再加入湯，令到個湯底渾然天成，散發出不可抗拒的味道。另一個湯底我地揀左夜市排骨鍋，藥膳湯底飲兩啖就足以令你覺得精神滿滿咁。 🍖肉類方面我地揀左牛前肩肉同翼板肉，前者比較嫩滑，後者比較有咬感同肉味濃，而且有兩種唔同既擺盤樣式。相機都因而食多左野。 🍖黎度仲可以以優惠價點小食，我地叫左炸魷魚,炸雞，金錢肚同埋麻油炸蛋。由魷魚香酥而且夠曬大條，金錢肚滷得好入啦。而最正嘅就係一個炸蛋，除咗就咁食一啖，同時食到脆脆嘅外皮，同埋暖笠笠嘅蛋醬之外，其餘嘅蛋醬仲可以用黎點牛肉食，相當唔錯。 🍺✨️食台灣野就一定要飲翡翠檸檬同埋虎紋珍珠奶茶。佢