Bulldog Hotdog (廣福道) (已搬遷) 新店位置

大埔對於我嚟講真係一個非常之陌生的地方， 因為晚上約了姊妹攞啲嘢，揸車經過Bulldog Hotdog， 畀佢色彩鮮明的門口吸引住， 所以就一於試下佢哋嘅熱狗啦！見到餐牌上面都有很多不同種類的熱狗款式，本身我想試的黑糖蘋果手撕豬熱狗，可惜當日沒有貨。 之後我點了德國風情 $38 和日式鰻魚 $48，一個熱狗加了$18套餐有薯角和一罐飲品。 因Bulldog是一間小店， 只供外賣，所以都係買走之後響架車度食。德國風情熱狗 ~ 冇諗過賣相咁靚， 大大份的配上德國脆皮腸，還有我最喜歡的酸菜絲，面頭佈滿香脆的煙肉碎，令到食落更有層次口感。日式鰻魚熱狗 ~ 這個鰻魚熱狗我點的時候沒有留意餐牌，原來除了鰻魚之外，還有一條很好味的腸仔， 仲有很多紫菜絲和木魚，當然唔少得用來調味的沙律醬， 熱辣辣，香噴噴！加了18蚊套餐的薯角，外脆內軟，這些香口食物是我的最愛，所以很快我已經吃完了! 見到餐牌上有咁多款不同種類的熱狗，都忍唔住要影低佢。可以介紹畀我住大埔的朋友過來試下這個性價比高的熱狗。